Referansar

Frå workshopen "Korleis ta gode valg i ein stressande kvardag"

Workshop med Gunn Marit er ei god stund, der ein både får jobba med kroppen og reflektert over kva godt ein kan gjera for seg sjølv.
Barnehagekvardagen kan til tider vera travel, ha høge emosjonelle krav og fysiske belastningar som løft og arbeidsstillingar, noko som gjer at barnehagesektoren ligg høgt på lista over yrker med høgt sjukefråvær, spesielt knytt til muskel- og skjelettplager. For oss har det difor vore viktig å jobba førebyggande, og oppfylgjing frå ein lokal, kunnskapsrik og engasjerande fysioterapeut har vore gull verdt!

Gunn Marit har laga opplegg til oss på personalmøte med praktiske øvingar, der me får kjenna etter korleis kroppen og pusten vår er, og bli bevisst kva som skjer om me endrar til dømes måten me pustar på. Me har fått tips til avspenningsøvingar og øvingar som styrkar kroppen, og ho har delt erfaringar og kunnskap om stressmestring. Ho er god på å forklara og formidla, både dei praktiske øvingane og kva stress kan gjera med kroppen vår. Ho utfordrar oss til å tenka gjennom om vala me tek i kvardagen er bevisste, får oss til å reflektera og opna oss for kvarandre. Dette har gjort det gode arbeidsmiljøet vårt endå betre! Gunn Marit engasjerer og har ei utstråling og energi som smittar! Så etter workshopen sat me igjen med ein god følelse, og erfaringar og kunnskap me skal ta med oss vidare i kvardagen vår på jobb!

 

- Hilde Seim Herfindal, leiar i Rogne barnehage